Փետրվարի 7-ինՙ ժամը 13:50-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետեւանքով գլխի շրջանում հրազենային վնասվածք է ստացել պարտադիր ժամկետային զինծառայող, շարքային Հայկ Ռազմիկի Քալանթարյանը : Զինծառայողը տեղափոխվել է զինհոսպիտալ, որտեղ ժամը 19:10-ին մահացել է:
Երկրորդ կայազորային քննչական բաժնում հարուցվել է քրեական գործՙ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ, կատարվում է նախաքննություն:
ԱՀ նախագահ Բակո Սահակյանը Հայկ Քալանթարյանին հետմահու պարգեւատրել է Մարտական ծառայության մեդալով:
