Ավստրալիական «ABCOnline» առցանց լրատվամիջոցի թղթակից Բրիջիդ Գլենվիլը տեղեկացնում է, որ Նյու Սաութ Ուեյլզի (Ավստրալիա) նահանգապետ Գլադիս Բերեջիկլյանը (Պերեճիքլեան) հակադրվելով հայոցՙ իր էթնիկական եկեղեցուն հայտարարել է, որ «այո» է քվեարկելու համասեռականների ամուսնությունը թույլատրող փոստային հարցախույզ-բանաձեւին, որն այժմ անցկացվում է Ավստրալիայում: Նրա կարծիքով դա «մարդու իրավունքների ամենակարեւոր հարցերից մեկն է»:
Նրա դիրքորոշումը հակասում է Հայ առաքելական եկեղեցու սկզբունքներին, որ դրանում տեսնում է հետագայում կրթական ծրագրերում նման առարկայի ընդգրկումը եւ ընտանեկան բնական կապերի քայքայումը: Չաթսվուդի հայկական եկեղեցին, որտեղ ժամանակին Բերեջիկլյանի ծնողների ամուսնության արարողութունն էր տեղի ունեցել, իր «Ֆեյսբուքում» զգուշացրել է հավատացյալներին, որ իրենց հավատը «վտանգված է», որ ամուսնության վերասահմանումը նոր ազատությունների դուռ է բացելու «անհնարին դարձնելով ծնողների պայքարն ընդդեմ հետեւանքների»:
Հարցախույզի վերջնական արդյունքները կհրապարակվեն նոյեմբերին:
