Հինգշաբթի օրը կայացած կառավարության նիստում ներկայացվել է «Զինվորական ծառայության մասին» օրենքի նոր նախագիծը: Այն նպատակ ունի օրենքին համապատասխանեցնել Սահմանադրության փոփոխված տեքստի պահանջները եւ նոր քաղաքականության համար իրավական հիմք ապահովել: Մի շարք վերանայումներ են առաջարկվում զորակոչի կազմակերպման մեջ: Այսպես` վերացվում է տնից առնվազն 150 կմ հեռու ծառայելու պահանջը, որը ժամանակին ներդրվել էր կարգապահության ապահովման նպատակով:
«Քանի որ մենք դա այժմ շատ արդյունավետ կազմակերպում ենք վիճակահանությամբ, ուստի որեւէ պատճառ չկա, թե ինչու նույն վիճակահանությամբ քաղաքացին չպետք է տանն ավելի մոտիկ գտնվող զինվորական ծառայություն անցնի: Դա մենք վերացնում ենք որպես խնդիր, քանի որ դա որեւէ խնդիր չի լուծում», ասել է պաշտպանության նախարարը:
Այլ հարց է, որ տանը մոտ ծառայելու հնարավորության ընձեռումը կարող է խնդիր առաջացնել, օրինակ զորակոչիկները, մանավանդ նրանց ծնողները կարող են շատ ցանկանալ, որ իրենց որդիները տանը մոտ ծառայեն եւ ունենան մեծ հնարավորություններՙ դա իրականացելու:
