| ԱՐԱ ՄԱՐՏԻՐՈՍՅԱՆԵ՞րբ դա կանդրադառնա դեռեւս նվազող գների վրաԱյս պահին Հայաստանի տնտեսական ակտիվության համեմատաբար բարձր ցուցանիշը (6,4 տոկոս տարվա առաջին հինգ ամիսների արդյունքով), կարծես թե սկսում է անդրադառնալ նաեւ անշարժ գույքի շուկայի վրա: Ճիշտ է, գների առումով վիճակը էապես չի փոփոխվել, ավելինՙ շարունակվել է բնակարանների եւ անհատական տների գների նվազումը, բայց գործարքների քանակը կտրուկ աճել է: Ընդ որում, աճել են թե՛ գործարքների ընդհանուր, թե՛ օտարմանՙ մասնավորապես առքուվաճառքի գործարքների քանակները: Հետաքրքրական է եւս մեկ ցուցանիշ. գործարքների թիվն ավելացել է ինչպես նախորդ ամսվա, այնպես էլ նախորդ տարվա նույն ամսվա համեմատ: Սովորաբար, տարեց տարի, նախորդ տարվա նույն ժամանակահատվածի համեմատ, գործարքների քանակը նվազում էր: Վերջին տարիների ընթացքում առաջին անգամ է արձանագրվում բոլոր տեսակի գործարքների քանակի աճՙ նախորդ տարվա նույն ժամանակահատվածի, տվյալ դեպքումՙ մայիս ամսվա համեմատ: Անշարժ գույքի կադաստրի պետական կոմիտեիՙ շուկայի վերլուծության տվյալները հետեւյալ պատկերն են ցույց տալիս.2017-ի մայիսին, Հայաստանի անշարժ գույքի շուկայում իրականացվել է 15708 գործարք, ինչը 39,1 տոկոսով ավելի է ապրիլի եւ 7,2 տոկոսովՙ 2016-ի մայիսի գործարքների քանակի համեմատ: Միայն օտարման գործարքների քանակը մայիսին ապրիլի համեմատ աճել է 38,5 տոկոսով, իսկ 2016-ի մայիսի համեմատՙ 23,8 տոկոսով: Երեւանում, առքուվաճառքի գործարքների գրեթե 60 տոկոսը եղել են բազմաբնակարան շենքերի գործարքներ: Ապրիլի համեմատ, 2017-ի մայիսին անշարժ գույքի շուկայի հիմնական հատվածիՙ բնակարանների առքուվաճառքի գործարքների քանակը Երեւանում աճել է 47,2 տոկոսով, իսկ նախորդ տարվա մայիսի համեմատ` 23,8 տոկոսով: Աշխուժացման եւ գործարքների քանակի կտրուկ աճ է արձանագրվել նաեւ մարզերում: Այստեղ մայիսին վաճառվել են 328 բնակարաններ, որոնց քանակը ապրիլի համեմատ աճել է 68,2 տոկոսով, իսկ 2016-ի մայիսի համեմատՙ 6,2 տոկոսով:Նույնն է պատկերը նաեւ անհատական տների պարագայում: 2017-ի մայիսին Հայաստանում գրանցվել է անհատական տների առքուվաճառքի 381 գործարք, որից 121-ըՙ Երեւանում: Մայրաքաղաքում անհատական տների առքուվաճառքի գործարքների քանակը 2017-ի մայիսին ապրիլի համեմատ աճել է 40,7 տոկոսով, իսկ 2016-ի մայիսի համեմատՙ 18,6 տոկոսով, մարզերում ապրիլի համեմատ աճը կազմել է 17,1 տոկոսով, իսկ անցած տարվա մայիսի համեմատՙ 15 տոկոսով:Այդուհանդերձ, մեկ ամսվա ընթացքում արձանագրված գործարքների քանակի աճը դեռ չի անդրադարձել գների վրա: Դրանք շարունակում են նվազել: Մասնավորապես, բնակարանների շուկայական միջին գները դրամով արտահայտված Երեւանում այս տարվա մայիսի ապրիլի համեմատ նվազել են 0,2 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.Վարչական շրջաններՄիջին գները (դրամ), մայիս 2016թ.Միջին գները (դրամ), մայիս 2017թ.Միջին գները (դրամ), ապրիլ 2016թ.Կենտրոն428000450000427000Արաբկիր357000340000330000Քանաքեռ-Զեյթուն283100268000270000Նոր-Նորք254150230000240000Ավան261500247600255000Էրեբունի252300237000240000Շենգավիթ257600240000241000Դավթաշեն276550250000250200Աջափնյակ250900226250242000Մալաթիա-Սեբաստիա244000230000230000Նուբարաշեն157250156000156000Բնակարանների միջին գները մարզերում մայիսին ապրիլի համեմատ նույնպես նվազել ենՙ 3,3 տոկոսով: Երեւանից հետո, ամենաթանկ բնակարանները 2017-ի մայիսին եղել են Ծաղկաձորում, որտեղ 1 քմ մակերեսի շուկայական գինը կազմել է 288 հազար դրամ: Աբովյանում 1 քմ գինը 147 հազար հազար դրամ է, Վաղարշապատում (Էջմիածին) եւ Գորիսումՙ 125 հազար դրամ, Նոր Հաճընում եւ Եղեգնաձորում` 120 հազար դրամ, Իջեւանում 110 հազար դրամ, Մարտունիումՙ 109 հազար դրամ, Աշտարակում 105 հազար դրամ, Եղվարդումՙ 102 հազար դրամ, Արմավիրում եւ Դիլիջանում` 100 հազար դրամ 1 քմ դիմաց ցուցանիշներով:Անհատական տների գները նույնպես նվազել են: Միջինացվածՙ 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2017-ի մայիսին ապրիլի համեմատ նվազել են 0,4 տոկոսով: Ըստ Երեւանի վարչական շրջանների, դրանք այսպիսին են եղել.Վարչական շրջաններՄիջին գները (դրամ), մայիս 2016թ.Միջին գները (դրամ), մայիս 2017թ.Միջին գները (դրամ), ապրիլ 2016թ.Կենտրոն476100476000476000Արաբկիր383000380000380000Քանաքեռ Զեյթուն295000283100285000Նորք Մարաշ319200300000300000Ավան270500262000263000Էրեբունի239750234130235100Շենգավիթ255000230000230000Դավթաշեն276000268050270000Աջափնյակ250100240000245000Մալաթիա-Սեբաստիա238100234000236000Նուբարաշեն 150800150000150000 |
Անհատական տների միջին գները մարզերում մայիսին ապրիլի համեմատ նույնպես նվազել ենՙ 1 տոկոսով: Ամենաթանկ անհատական տները Երեւանից հետո դարձյալ Ծաղկաձորում են` 1 քմ-ն 300 հազար դրամ: Երկրորդը Աբովյանն է 1 քմ-ն 155 հազար դրամ, երրորդը Վաղարշապատը, որտեղ 1 քմ-ն կազմել է 150 հազար դրամ: Ապա գալիս են Աշտարակը 132 հազար դրամ, Ջերմուկըՙ 129 հազար դրամ, Գորիսը`128 հազար դրամ, Նոր Հաճնը` 126 հազար դրամ, Իջեւանըՙ 120 հազար դրամ, Գյումրին` 118 հազար դրամ, Եղեգնաձորը` 114 հազար դրամ 1 քմ դիմաց:
Գործարքների թիվն ավելացել է նաեւ հողի շուկայում ՙ 2017-ի մայիսին 2016-ի մայիսի համեմատ, հողերի առուվաճառքի գործարքների քանակն Հայաստանում աճել է 13,5 տոկոսով, իսկ ահա աճուրդով վաճառքներինը` նվազել է 8,7 տոկոսով:
Հիպոթեքային գործարքները, տոկոսային առումով, գործարքների ընդհանուր թվին գրեթե համարժեք ավելացել են, բայց դրանց ծավալը դեռ մեծ չէ: 2017-ի մայիսին հանրապետությունում իրականացվել է հիփոթեքային գրավադրման 174 գործարք, որը 48,7 տոկոսով ավելի է ապրիլի եւ 28,8 տոկոսով 2016-ի մայիսի համեմատ:
Այսպիսով, Հայաստանի անշարժ գույքի շուկայում մայիսին արձանագրվել է գործարքների քանակի նկատելի աճ, միչնդեռ գները շարունակել են նվազել: Եթե տնտեսական ակտիվության աճի ներկայիս տեմպը պահպանվի, ապա կարելի է ենթադրել, որ մայիս ամսին անշարժ գույքի շուկայում արձանագրված աշխուժացումը կշարունակվի: Սակայն անգամ այդ պարագայում դժվար է ասել, թե դա երբ ազդեցություն կունենա գների վրա: Անշարժ գույքի գները սովորաբար զգայուն են բացասական ազդեցությունների նկատմամբ եւ այդ դեպքում կտրուկ նվազում են: Մինչդեռ, տնտեսական աճի երկար տարիներից եւ դրա որակի փոփոխությունից հետո են սկսում աստիճանաբար բարձրանալ:
