Նրա անունը Ժիրայր (Ջերարդ) Բալաքյան է: Հայտնի է եղել անցյալ դարի 60-70-ական թվերին էներգալուծույթով հարուստ «Գատոր Էյդ» (Gator Ade) եւ «ՍպորտԷյդ» (Sportade) անվանումներով սպորտային, հատուկ մարզիկների համար նախատեսված զովացուցիչ ըմպելիքների իր գյուտերով:
Մտահոգված մարզիկների, հատկապես ֆուտբոլիստների շրջանում ջերմահարությունից առաջացած մահվան դեպքերի աճի տեմպերով, դոկտ. Բալաքյանը հորինում է ծարավը հագեցնող իզոտոնիկ ըմպելիքը, որին «Սպորտէյդ» անվանումն է տալիս: Այդ ժամանակ նա աշխատելիս է եղել Ինգլվուդի (Նյու Ջերսի) հիվանդանոցում եւ նախագահն է եղել թմրանյութերի հետազոտության կոմիտեի: Նրա խմիչքը վերականգնել է մարզիկների օրգանիզմում ֆիզիկական լարման հետեւանքով առաջացած նատրիումի եւ կալիումի պակասը:
1968-ին լիցենզավորումից հետո խմիչքը սենսացիա է առաջացրել եւ մամուլը (Նյու Յորք Թայմս, Նյուզուիք, Ուորոլդ Թենիս Մեգեզին, Մեդիկալ Թայմս, եւայլն) մեծապես արձագանքել է դրան: Հրավիրվել է NBC հեռուստաընկերություն ելույթ ունենալու, հրատարակել է մի շարք հոդվածներ եւ հրավիրվել դասախոսություններ կարդալու համալսարաններում եւ բժշկական ֆորումներում: 1970-ին ելույթ է ունեցել Օքսֆորդի համալսարանում կազմակերպված Սպորտային բժշկության համաշխարհային կոնգրեսի նիստերում:
Ըմպելիքի առաջին օգտագործողներից են եղել «Նոթր Դամ», Սիրակուզա, Սթենֆորդ, Դորտմութ, Բաքնել եւ այլ ֆուտբոլային խմբերը: Սպորտեյդը թույլատրվել է օգտագործել նաեւ 1968 եւ 1969 թվերի օլիմպիական խաղերի ժամանակ: Այն նաեւ գրանցվել է օտար երկրներում, ինչպիսիք Կանադան է, Մեքսիկան, Հոնկոնգը, Ճապոնիան, Մալայզիան, Սինգապուրը եւ Թայլանդը:
Մանրամասնությունների համար այցելել «gerardbalakianmd.com» կայքը:
