«ԶԻՆԾԱՌԱՅՈՂՆԵՐԻ ԱՊԱՀՈՎԱԳՐՈՒԹՅԱՆ» ՀԻՄՆԱԴՐԱՄՈՒՄՙ 808 921 ԴՈԼԱՐ

«Զինծառայողների ապահովագրության» հիմնադրամում այս պահի դրությամբ հավաքագրվել է 808 921 դոլար (393709929 դրամ): Այս տեղեկությունը հրապարակվել է հիմնադրամի 1000plus.am կայքում: Այսօր տեղի ունեցած անդրանիկ նիստում հաստատվել են հիմնադրամի ծախսերը: 2017 թվականի համար նախատեսվում է 1 միլիարդ 731 միլիոն դրամ ծախս: «Աստված տա այս ծախսերը չկատարենք, բայց եթե անհրաժեշտություն լինի, 1 միլիարդ 731 միլիոն դրամ ծախս ենք առաջարկում կատարել, դա փոխհատուցումն է, որը կազմված է ակտուալ հաշվարկների հիման վրաՙ 100 զոհ եւ 50 վիրավորի հաշվարկով, որ այս տարվա համար որպես գումար պլանավորում ենք, շատ վատ է հնչում, բայց որպես ֆինանսական պլանավորում ստիպված ենք անել»,-ասել է հիմնադրամի տնօրեն Վարուժան Ավետիքյանը: