ՌՈՒՍԱԿԱՆ ԲՈՒՀԵՐՈՒՄ ՀԱՅԱՍՏԱՆԻ ՔԱՂԱՔԱՑԻՆԵՐԻ ՀԱՄԱՐ ՔՎՈՏԱՆԵՐԸ ԿԱՎԵԼԱՆԱ՞Ն

Մ.Խ.

Նոյեմբերի 10-ին հայոց խոհրդարանում տեղի է ունեցել Հայաստանի Ազգային ժողովի եւ Ռուսաստանի Դաշնային ժողովի միջեւ համագործակցության միջխորհրդարանական հանձնաժողովի 28-րդ նիստը, որը վարել են Միջխորհրդարանական հանձնաժողովի համանախագահներ Հերմինե Նաղդալյանը եւ Նիկոլայ Ռիժկովը: Նրանք երկուսն էլ իրենց ելույթներում անդրադարձել են փոխադարձ համագործակցության համատեղ ծրագրերին: Նիստի օրակարգում ընդգրկված են եղել հայ-ռուսական մշակութային համագործակցության եւ զբոսաշրջության զարգացման խնդիրները: Հետաքրքրական կլինի իմանալ, որ ռուսական կողմի ներկայացուցիչը պատրաստակամություն է հայտնել ավելացնել ՌԴ մշակույթի նախարարության ներքո գործող բուհերում ՀՀ քաղաքացիների համար սահմանված քվոտաները: Զբոսաշրջության զարգացման մասին խոսելիս Հ. Նաղդալյանը նշել է, որ այն մեր էկոնոմիկայի առաջնային ուղղություններից է. եւ Հայաստանի կառավարությունը ստեղծել է զբոսաշրջության զարգացման հարցերով զբաղվող առանձին կոմիտե: Ռուսական կողմից առաջարկ է եղել կազմակերպել ոլորտում հմտացած մասնագետների, փորձագետների եւ լրագրողների ճանաչողական այցեր, փորձի փոխանակումներ, զբոսաշրջային հոսքի ավելացում, միջազգային ցուցահանդեսներին հայկական եւ ռուսական մասնակցություն: