ՀԱՄԱՁԱՅՆԱԳԻՐ-ՅՈՒՇԱԳԻՐ

ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹԻՒՆ – ՀԱՆՐԱՊԵՏԱԿԱՆ ՎԱՐՉՈՒԹԻՒՆ
ՌԱԿ ՎԵՐԱԿԱՆԳՆՈՒՄԻ ԵՎ ՄԻՈՒԹԵԱՆ ՇԱՐԺՄԱՆ ԿԵԴՐՈՆԱԿԱՆ ՎԱՐՉՈՒԹԻՒՆ

Ստորագրեալներս, 7 հոկտեմբեր 2016, Երեւանի մեջ կայացած ժողովին ընթացքին հասանք հետեւեալ համաձայնութեան, որուն դրոյթները այս հանգրուանին ի զօրու կը մնան առաւելագոյնը մինչեւ 2017-ի վերջաւորութեան։

1. ՌԱԿ կը վերածուի հայաստանակեդրոն կուսակցութեան։ Մէկ կուսակցութիւն, մէկ ծրագիր-կանոնագիր եւ մէկ ղեկավարութիւն։

2. Հանրապետական վարչութիւնը կը վերանուանուի ՌԱԿ Կեդրոնական վարչութիւն, որուն ղեկավարութեան մէջ տեղ կ’ունենան Հայաստանի եւ Սփիւռքի ներկայացուցիչները իբրեւ վարչականներ։

3. Կը կազմուի ՌԱԿ-ի Գերագոյն Խորհուրդ մարմինըՙ ճշդելու եւ ծրագրելու ՌԱԿ-ի քաղաքականութեան ընդհանուր գիծերը եւ վերահսկելու ՌԱԿ-ի լայնածաւալ աշխատանքները։ Վարչականները կ’ընտրուին թե Հայաստանէն եւ թէ Սփիււռքէն, այս պարագայինՙ նշանակեալ կերպով։

4. Կը նշանակուի օրէնսգէտներէ եւ փորձառու կուսակցականներէ կազմուած մարմին մը, որ այս ժամանակաշրջանին պիտի վերամշակէ զոյգ կանոնագիրները։