ՀՀ ՆԱԽԱԳԱՀ. «ԷՐԴՈՂԱՆԻՆ ՉԵՆՔ ՎՍՏԱՀՈՒՄ»

Անահիտ Հովսեփյան, Գերմանիա

Հունիսի 1- ին «Բիլդը» հարցազրույց է տպագրել Հայաստանի նախագահ Սարգսյանի հետ, որ տարածել են նաեւ գերմանական այլ լրատվամիջոցներ։ Զրույցը բնականաբար Բունդեսթագի առաջիկա քվեարկության մասին է, արծարծվում է նաեւ Ղարաբաղյան հակամարտության վերջին զարգացումների թեման։ Ծավալուն հարցազրույցում Հայաստանի նախագահն ասում էՙ «… փախստականների հարցերով համաձայնության հնարավոր ձախողումը կապ չունի Հայոց ցեղասպանության բանաձեւի ընդունման հետ»։ «Եվրոպան Էրդողանին ընդհանրապես կարո՞ղ է վստահել» հարցին ՀՀ նախագահն պատասխանում է «Եվրոպայի փոխարեն չեմ կարող խոսել, բայց կարող եմ սեփական փորձառությունից ասելՙ ոչ, Էրդողանին չենք վստահում»։