Անցնող շաբաթ ՌԴ նախագահ Վլադիմիր Պուտինը ներում շնորհեց ուկրաինացի օդաչու Նադեժդա Սավչենկոյին, որին ռուսական դատարանը, ապացուցված համարելով մեղադրանքը (Սավչենկոն մեղադրվում էր ռուս լրագրողների սպանության մեջ) դատապարտել էր ազատազրկման:
Նույն ընթացքում Ուկրաինայի նախագահ Պետրո Պորոշենկոյի հայտարարած համաներումը տարածվեց Ուկրաինայում դատապարտված եւ ազատազրկված ՌԴ քաղաքացիներ Ալեքսանդր Ալեքսանդրովի եւ Եվգենի Երոֆեւի հանդեպ: Ավելի ուշ Ռուսաստանը Ուկրաինային հանձնեց Սավչենկոյին, ստանալով Ալեքսանդրովին եւ Երոֆեւին:
Հայրենիքում Սավչենկոն նախագահ Պորոշենկոյի կողմից պարգեւատրվեց Ուկրաինայի հերոսի կոչումով եւ աշխատանքի կանցնի Ռադայիՙ Ազգային անվտանգության հանձնաժողովում:
Հիշեցնենք, որ ռուսական դատարանի կողմից 4 տարի ժամկետով ազատազրկված Լեւոն Հայրապետյանը շարունակում է մնալ անազատության մեջՙ Ռուսաստանում, չնայած հայկական կողմի տարբեր մակարդակի պահանջներինՙ դադարեցնելու Հայրապետյանի հանդեպ քրեական հետապնդումը: Հայազգի բիզնեսմենի առողջական վիճակը շարունակում է մնալ ծանր:
