Կրքերը դարձյալ բորբոքվեցին Ստամբուլի հայկական շրջանակներում այն բանից հետո, երբ դատարաններից մեկը բոլորովին անգործունյա դարձած Մեսրոպ արքեպիսկոպոս Մութաֆյանի 78-ամյա մորը նշանակեց նրա խնամակալը, գրում է «Դեյլի Սաբահ» թերթը: Հայկական համայնքի երեւելի դեմքերից Թաթիոս Բեբեք անունով մի անձնավորություն դատարանի կարգադրությունն է փորձում ձեռք բերել նոր պատրիարքի ընտրություններ անցկացնելու համար, քանի որ, ըստ նրա, խնամակալ նշանակելը ապացույց է այն բանի, որ դատարանը պաշտոնապես ճանաչում է նախկին պատրիարքի առողջական անմխիթար վիճակը: Ուրիշներ էլ հայց են ներկայացրել, որ պատրիարքի բացակայությանը նրա խնամակալ են նշանակել մորը:
Հիշեցնենք, որ ներկայիս գործող պատրիարքական փոխանորդ Արամ Աթեշյանը խոստացել էր 2014-ին ընտրություններ անցկացնել, բայց եպիսկոպոսական ժողովը դատական որոշումով չէր թույլատրել նման գործընթաց:
