Ի՞նչ փոփոխություններ են կատարվել «Երիտասարդ ընտանիքին` մատչելի բնակարան» ծրագրում
«Երիտասարդ ընտանիքին` մատչելի բնակարան» պետական նպատակային ծրագրում կառավարության կողմից երեկ կատարված փոփոխություններն ավելի նպաստավոր պայմաններ են ստեղծելու այս ծրագրից առաջիկայում օգտվողների համար: Մասնավորապես, բարձրացվել է ծրագրի պոտենցիալ շահառու երիտասարդների տարիքային սահմանափակման առավելագույն շեմըՙ երիտասարդ ամուսինների տարիքը սահմանվել է 18-35 տարեկանՙ ներկայիս 18-30 տարեկանի փոխարեն, ամուսինների առավելագույն գումարային տարիքը սահմանվել է 65 տարեկանըՙ ներկայիս 60 տարեկանի փոխարեն: Ավելացվել է նաեւ ձեռքբերվող բնակարանների առավելագույն արժեքը, սահմանելով 25 մլն դրամ ներկայիս 16 մլն դրամի փոխարեն:
Ձեռք բերվող բնակարանների համար տրամադրվող հիփոթեքային վարկերի առավելագույն գումարը բարձրացվել է, մասնավորապես, սահմանելով այն 17,5 մլն դրամՙ ներկայիս 11,2 մլն դրամի փոխարեն: Երեւան քաղաքում նույնպես տրամադրվող հիփոթեքային վարկերի կանխավճարի նվազագույն չափը սահմանվել է ձեռք բերվող բնակելի տան կամ բնակարանի արժեքի առնվազն 10 տոկոսըՙ նախկին 20-30 տոկոսի փոխարեն, բայց վարկառուի կողմից այլ բնակելի անշարժ գույք գրավադրելու պայմանով: Պետության կողմից վարկի սուբսիդավորման արդյունքում Երեւանում բնակարանների համար վարկի տարեկան տոկոսադրույքը կկազմի 8-9 տոկոս, մարզերումՙ 6-7 տոկոս:
