Պետեկամուտների կոմիտեի նորանշանակ պետ Հովհաննես Հովսեփյանից երեկ լրագրողները փորձել են ճշտել, թե որտեղի՞ց են գոյացել վերջինիս ֆինանսական միջոցները, որոնք Հովսեփյանը ներկայացրել է իր կարողության հայտարարագրում: Հովսեփյանը պատասխանել է, որ այդ մեծ գումարները նրան ուղարկել է իր եղբայրը, որն ապրում եւ աշխատում է Ռուսաստանում: Լրագրողները Հովսեփյանից ճշտել են նաեւ, թե ինչպե՞ս է վերջինս պայքարելու մենաշնորհների դեմ: ՊԵԿ ղեկավարն ասել էՙ «Շատ մարտականորեն»:
Ցավոք լրագրողները Հովսեփյանից չեն ճշտել, թե ի՞նչ է աշխատում իր եղբայրը Ռուսաստանում, մինչդեռ սա շատ կարեւոր է, քանի որ մեզ բոլորիս էլ ֆինանսական միջոցներ ուղարկում են Ռուսաստանից, բայց միայն Հովհաննես Հովսեփյանին եղբայրն է նրան ահռելի չափի գումար ուղարկում: Հավանաբար նա էլ Ռուսաստանում է մարտականորեն աշխատում:
