ԱՐԵՎՄՈՒՏՔԸ ՍՐԲԱԳՐՈ՞ՒՄ Է ԻՐԵՆ

ՌԴ արտգործնախարար Սերգեյ Լավրովը ռուսական լրատվամիջոցներին ասել է, թե Արեւմուտքում այժմ, այսինքն` ռուսական ինքնաթիռը պայթեցնելուց ու Փարիզի ահաբեկչությունից հետո, հասկանում են, որ Սիրիայում կարգավորման խնդիրը ոչ թե Բաշար Ասադին հեռացնելու վրա կենտրոնանալն է, այլ «Իսլամական պետության» կողմից նորանոր տարածքներ գրավելու ձգտումը ճնշելը, այդ ծայրահեղական խմբավորման դեմ պայքարելը: Ֆրանսիան ու Թուրքիան միշտ պահանջել են Ասադի հեռացում, նշելով, որ նրա օրոք է ԻՊ-ի համար Սիրիան ձգող մագնիս դարձել: Մինչդեռ, ըստ Լավրովի` նման մագնիս են ԻՊ- ի համար ե՛ւ Լիբանանը, ե՛ւ Թուրքիան (sic!), ե՛ւ Եգիպտոսը: