2015 թ.
Հայաստանի Թեքեյան մշակութային միության շուրջ 24 ամյա մշակութապահպան գործունեությունը իր ուրույն տեղն է ունեցել հայաստանյան մշակութային կյանքում:
Միությանՙ արդեն ավանդական դարձած ամենամյա մրցանակաբաշխությունը նոր լիցք ու ոգեւորություն է հաղորդել Հայաստանում եւ Սփյուռքում ստեղծագործող հայ գրողներին եւ արվեստագետներին:
Թեքեյան մշակութային միության հերթական մրցանակաբաշխությունը կամփոփվի 2015 թվականի դեկտեմբերին:
Նոյեմբերի 3-ից դեկտեմբերի 3-ը մրցույթին մասնակցել ցանկացողները իրենց հեղինակած (2014 թվականի) աշխատանքները կարող են ներկայացնել ՀԹՄՄ գրասենյակ (Երեւան, Խանջյան 50, II հարկ, Հայաստանի Թեքեյան մշակութային միություն, հեռախոսՙ 552-632, 520-783, էլ.փոստՙ tekeyan@arminco.com):
2014 թվականի ստեղծագործությունների համար մրցանակներ են շնորհվելու հետեւյալ անվանակարգերումՙ
ա) Գրականություն (Թեքեյան մշակութային միության Շաքե Ղազարյան հիմնադրամ)
բ) Երաժշտություն (Թեքեյան մշակութային միության Շաքե Ղազարյան հիմնադրամ)
գ) Կերպարվեստ (Թեքեյան մշակութային միության Շաքե Ղազարյան հիմնադրամ)
դ) Արա-Մարալ (Մանկապատանեկան ստեղծագործություններ) Սիլվա Տեր-Ստեփանյան նվիրատվություն
Հայաստանի Թեքեյան մշակութային միության վարչություն
