ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twiiter սոցցանցի իր բլոկում կատարել է հերթական գրառումը` կապված ԵԱՀԿ-ի նախագահությունը Գերմանիային շուտով անցնելու հետ: Ուորլիքը գրել է. «Մենք պատրաստվում ենք խորհրդակցել Գերմանիայի հետ, որը ԵԱՀԿ-ում նախագահությունը ստանձնող հաջորդ երկիրն է: Եկեք համագործակցենք` հանուն Լեռնային Ղարաբաղի խնդրի խաղաղ կարգավորման»:
Պաշտոնական Բեռլինը այս հայտարարությանը չի արձագանքել դեռեւս: Ենթադրում ենք, որ եթե արձագանքեր, ապա այդ հայտարարությունը կլիներ Գինեսի ռեկորդների ցանկում` որպես աշխարհի ամենակարճ պաշտոնական հայտարարություն եւ կազմված կլիներ մեկ բառից` «Եկեք»:
