ՏՈՒԼԱՅԻ ՎԹԱՐԻՑ ՏՈՒԺԱԾՆԵՐԻ ԾԱԽՍԵՐԸ ԿՀՈԳԱ ԿԱՌԱՎԱՐՈՒԹՅՈՒՆԸ

Ա. Մ.

«Երեկ մենք ՀՀ Նախագահի հետ քննարկել եւ որոշում ենք կայացրել, որ բոլոր ծախսերըՙ ե՛ւ բուժման, ե՛ւ հուղարկավորության, կառավարությունն իր վրա է վերցնելու», խոսելով Տուլայի ավտովթարից տուժածների մասին երեկ կառավարության նիստում տեղեկացրեց վարչապետ Հովիկ Աբրահամյանը: Նա նաեւ հայտնեց, որ վթարի առնչությամբ ստեղծվել է կառավարական հանձնաժողովՙ տրանսպորտի եւ կապի նախարար Գագիկ Բեգլարյանի ղեկավարությամբ: Վարչապետը շնորհակալություն հայտնեց Ռուսաստանի Դաշնության կառավարությանը, կառավարության ղեկավարին, տրանսպորտի նախարարին: