Հայաստանի Հանրապետությունը աֆրիկյան Տոգոյի Հանրապետության հետ ստորագրել է «Մշակութային համագործակցության մասին» համաձայնագիր: Ավելի վաղ նույն անունով համաձայնագիր ստորագրվել է աֆրիկյան մեկ այլ` Մադագասկարի Հանրապետության հետ:
Համաձայնագրով (կոնկրետ Տոգոյի հետ կնքված) նախատեսվում է ցուցահանդեսների փոխանակում, նկարիչների, գրողների, երաժիշտների եւ մասնագետների փոխանակում եւ այլն: Այս վերջինի համատեքստում առաջարկում ենք փոխանակել հայաստանցի մի շարք վաստակավոր երգիչների` տոգոցի կարգին երգիչների հետ, «կարեւորն էկզոտիկան է» սկզբունքով: Ի դեպ, եթե Հայաստանում շատերը չեն լսել Տոգոյի մասին, շատ հավանական է, որ Տոգոյում էլ շատերը Հայաստանի մասին չեն լսել:
