Չեչնիայի առաջնորդ Ռամզան Կադիրովը անցնող շաբաթ սոցցանցի իր էջում կատարել է հետեւյալ գրառումը. «Ուզում եմ կիսել ձեզ հետ իմ ուրախությունը: Ինձ հյուրընկալվել էին շատ թանկ մարդիկ` Մուհամեդ մարգարեի ժառանգ Հաբիբ Ալի Ջիֆրին եւ Իտում-Կալինսկի շրջանի ավագ Սաիդ Մելիմ Ադաղովը: Նրանք երկուսն էլ Ալլահին մերձավոր մարդիկ են: Հյուրերն ինձ շատ հետաքրքրական բաներ պատմեցին իսլամի մասին: Շեյխ Ալի Ջիֆրինն ինձ ներարկեց իր արյունը, որը մարգարեի արյան մի մասն է»:
Չի բացառվում, որ այս իրադարձությունից հետո Չեչնիայի ղեկավարը Գրոզնիում արյան դոնորության կլինիկա բացի, չնայած կարող է եւ չբացել. արյան (թեկուզ մարգարեի) փոխանցման այլ` ավելի բնական միջոցներ էլ կան:
