Լրացավ Ռամկավար Ազատական կուսակցության փոխնախագահ, Հայաստանում ՌԱԿ հնագույն անդամներից Արմեն Մանվելյանի ծննդյան 50-ամյակը: Մեր հավատավոր ընկերը էներգետիկական տարածաշրջանային ուղիների ու կոմունիկացիաների մասնագետ է, Գիտությունների թեկնածու, միաժամանակՙ հետազոտող-վերլուծաբան: Աշխատել եւ աշխատում է տարբեր հիմնարկներում, դասախոսում է տարբեր բուհերում, առժամանակ որպես քաղաքական մեկնաբան աշխատել է նաեւ «Ազգ» օրաթերթում: Ամուսնացած է, ունի հրաշալի երեք զավակ:
ՌԱԿ Հանրապետական վարչությունը սրտանց շնորհավորում է Արմեն Մանվելյանին ծննդյան 50-ամյակի առթիվ, մաղթում նրան գիտավերլուծական նորանոր նվաճումներ, քաջառողջություն եւ ընտանեկան մեծ երջանկություն:
