Ռ. Հ.
Ես կնոջս ու երեխաներիս Ղարաբաղում եմ թողել անվտանգության նկատառումով, իսկ վերադարձել եմ Մոսկվա այն բանի համար, որպեսզի նախ պարզեմ իրավիճակը, եւ, երկրորդ, որ ադրբեջանցիները սադրանքաբար ցեխի մեջ չտրորեն Ղարաբաղը եւ չգոռան, թե Ղարաբաղը թաքցնում է Ռուսաստանից փախած հանցագործներին, եւ որ անհարմար վիճակի մեջ չդնեմ հայ բարեկամներիս: Ես Մոսկվա եմ եկել ցույց տալու համար, որ ոչ մեկից չեմ թաքնվում, որ դա զրպարտանք է, որ ահա ես այստեղ եմ, ոչ ոք ինձ չի որսում, չի կաշկանդում, չի նստեցնում եւ ամեն ինչ կարգին է:
Ես շատ եմ ուզում ընտանիքով վերադառնալ Ռուսաստան, որպեսզի մենք արդեն երկու տնտեսություն ունենանք, որովհետեւ Ղարաբաղում մենք այն փաստորեն ստեղծել ենք մի քանի շաբաթվա ընթացքում: Ամեն ինչ շատ արագ ստացվեց, առհասարակ այնտեղ ամեն ինչ արագ է գլուխ գալիս, եւ մենք իրոք կստեղծենք երկու տնտեսություն: Ռուսաստանը մեր հայրենիքն է, եւ ինչքան էլ որ Ղարաբաղում լավ լինի, ուզում ես վերադառնալ տուն: Սա իմ երկիրն է: Ինչքան էլ որ Ղարաբաղում իմ նկատմամբ լավ վերաբերվեն, ես այնուամենայնիվ այնտեղ հյուր եմ:
