Գերմանիան քննադատում է Ռուսաստանին չհրավիրելը
Հունիսի 4-ի հետմիջօրեին արդեն Մյունխենում 34 000 մարդ է հավաքվելՙ Մեծ յոթնյակի G-7-իհունիսի 7-8-ին բավարական Էլմաու դղյակում հայտարարված գագաթնաժողովի անցկացման դեմ բողոքիխաղաղ հանրահավաքին։ Ոստիկանությունը չի բացառում, որկարող են նաեւ բախումներ լինել։ Ցուցարարները 7-նյակը ներկայացնող տնտեսական լուրջ կշիռ ունեցող երկրներիՙ Գերմանիայի, ԱՄՆ-ի, Ճապոնիայի, Ֆրանսիայի, Մեծ Բրիտանիայի, Կանադայի, Իտալիայի ղեկավարներից պահանջում են «դադարեցնել աղքատությունը, փրկել կլիման», առաջին հերթին քննադատելով ԵՄ- ի եւ ԱՄՆ-ի միջեւ կնքվելիք տրանսատլանտյան ազատ առեւտրի պայմանագիրը։ Բողոքի ցույցին մասնակցում են նաեւ Բունդեսթագի փոխխոսնակ, Կանաչների կուսակցության անդամ Քլաուդիա Ռոթն ու իր կուսակից Յուրգեն Տրիտինը, Ձախերիցՙ Քլաուս Էրնստը։ Գագաթնաժողովի գլխավոր թեմաներն են լինելու ուկրաինական ճգնաժամը, Սիրիայում եւ Իրաքում տիրող իրավիճակը, փախստականների խնդիրները, Իրանի միջուկային հարցերը։ Գագաթնաժողովն առանց Ռուսաստանի գումարելու որոշումը քննադատել են Գերմանիայի նախկին երկու կանցլերՙ Շմիդտը եւ Շրյոդերը։ Արտգործնախարար Ֆրանկ Վալտեր Շթայնմայերը հայտնել է, թե « իրավունք չունենք շահագրգռվածլինել, որ G-8-ի ձեւաչափը երկարատեւ G-7 մնա։ Մենք Ռուսաստանի կարիքն ունենք ինչպես եվրոպական մեր հարեւանության, այնպես էլ Սիրիայի, Իրաքի, Լիբիայի հակամարտությունների լուծման, իրանական միջուկային ծրագրի հարցում », ասել է ԳԴՀ արտգործնախարարը։
