ԲՈՒՆԴԵՍԹԱԳԸ ՔՆՆԱՐԿԵԼՈՒ Է «ՄԱՐԴՈՒ ԻՐԱՎՈՒՆՔՆԵՐԻ ԽՆԴԻՐՆ ԱԴՐԲԵՋԱՆՈՒՄ»

ԱՆ. Հ., Գերմանիա

Հունիսի 12-ին ի թիվս այլ հարցերի Բունդեսթագի 110-րդ նիստում քննարկվելու է Ադրբեջանում մարդու իրավունքների խնդիրը: Լսվելու են կոալիցիոն կուսակցություններիՙ ՔԴ-ՔՍ միության (CDU CSU) եւ ՍԴԿ (SPD)-ի, ինչպես նաեւ Դաշինք 90- Կանաչների ներկայացրած հայցադիմում առաջարկները: Կոալիցիայի տարբերակը կրում է «Եվրոպական խաղերն Ադրբեջանում. առիթն օգտագործել մարդու իրավունքների պահպանման համար» վերնագիրը, իսկ Կանաչների հեղինակածըՙ «Ժողովրդավարությունը, օրենքի գերակայությունը, մարդու իրավունքներն Ադրբեջանում պահանջել նաեւ 2015-ի Եվրոպական խաղերի ժամանակ»: