Փոխանակման կետերում սպեկուլյացիաների շարունակման դեպքում կառավարությունը կքննարկի նրանց գործունեությունը օրենսդրորեն կտրուկ սահմանակելու հարցը: Այս մասին NEWS.am-ին ասել է ՀՀ վարչապետ Հովիկ Աբրահամյանըՙ անդրադառնալով արտարժույթի շուկայում վերջին օրերին գրանցված տատանումներին:
«Ամբողջ աշխարհում արժութային շուկայում առկա է սպեկուլյատիվ վարք: Որպես կանոն, դա արվում է համապատասխան հարթակներումՙ որոշակի կանոններով, եւ դրա անմիջական ազդեցությունը վերջնական սպառողի վրա միջնորդավորված է եւ ավելի չափավորված: Ցավոք, Հայաստանում այս առումով սպեկուլյատիվ վարքի ամենացցուն օրինակները կարծես թե փոխանակման կետերում են, որոնք հաճախ կոնկրետ շահեր են սպասարկում: Նման վարքի շարունակականության պարագայում կառավարությունը կքննարկի ինքուրույն փոխանակման կետերի գործունեության օրենսդրական կտրուկ սահմանափակման խնդիրը», – ասել է վարչապետը:
