Մեկնարկել է «Ամառային ընթերցանություն» ծրագիր, որը բոլոր նրանց համար է, ովքեր սիրում են կարդալ եւ կիսել իրենց կարդացածը ընկերոջ, ծանոթի ու անգամ անծանոթի հետ:
Ձեռք բերելով մեկ գիրք միջոցառմանը մասնակից որեւէ գրախանութից` հնարավորություն կստանաս կարդալուց հետո փոխանակելու այդ գիրքը ծրագրում ընդգրկված մեկ ուրիշ գրքով բոլոր այն վայրերում, որտեղ տեղադրված են «Ամառային ընթերցանություն» տնակ-գրապահարանները:
Գրքի արժեքն է 2300 դրամ, որը գնելիս կստանաս քո անհատական «Ամառային ընթերցանություն» քարտը` ծրագրի մյուս փուլերին մասնակցելու համար:
Ամբողջ ամռան ընթացքում պարբերաբար ընթերցողը կարող է վերադառնալ գրքերի տնակի մոտ եւ անվճար փոխանակել գիրքը:
Ի դեպ, ծրագրում ներառված գրքերը մասնավորապես մանուկների եւ պատանիների համար են:
Ավելին, ուրախությամբ պետք է փաստենք, որ այս ծրագիրը դուրս է եկել Երեւանի սահմաններից եւ հասել մինչեւ մարզեր ու Լեռնային Ղարաբաղ:
Ամենաակտիվ մասնակիցներին սպասվում են հետաքրքրական անակնկալներ:
Այն կավարտվի օգոստոսի 31-ին:
