ՈՒԿՐԱԻՆԱՆ ՀԻՄԱ ԷԼ ՎԱՐՉԱՊԵՏ ՉՈՒՆԻ

Երեկ հրաժարական է տվել Ուկրաինայի վարչապետ Արսենի Յացենյուկը: Իր հրաժարականի մասին հայտարարելով Գերագույն Ռադայում, նա այն պայմանավորել է կոալիցիայի փլուզմամբ, ինչպես նաեւ իր ղեկավարած կառավարության օրենսդրական նախաձեռնությունների տապալմամբ Ռադայում: Նրա հրաժարականից մի փոքր վաղ Ռադայի «Եվրոպական ընտրություն» կոալիցիայից դուրս գալու մասին հայտարարություններ էին արել «Ազատություն» եւ «Ուդառ» կուսակցությունները: Այժմ Ուկրաինային սպասվում է հավանաբար հերթական կառավարության ու հերթական վարչապետի փորձարկումը: