Աղթամար կղզում Սուրբ խաչ եկեղեցու վերաբացումից հետո Վանում զբոսաշրջիկների թիվը տարեցտարի ավելացել է, տեղեկացնում է Մոնրեալում լույս տեսնող «Ապագայ» շաբաթաթերթը: Այսպես, Վանի մշակույթի եւ զբոսաշրջության վարչության տվյալներով առաջին անգամ տեղի ունեցած պատարագից հետո ավելի մեծ թվով մարդիկ են մասնակցել հաջորդող տարիների պատարագներին: Եթե 2009-ին Աղթամար էր այցելել 34 հազար մարդ, ապա 2013-ին այդ թիվը հասել է 71 հազարի: Ակնկալվում է, որ այս տարվա սեպտեմբերին կայանալիք պատարագին զբոսաշրջիկների թիվը կգերազանցի այդ թիվը: «Վանի բնակիչները գոհ են այդ փոփոխություններից», եղել են թուրք պաշտոնյաները, ավելացնելով, որ վերակառուցման սպասող այլ եկեղեցիներ եւս կան: Մասնավորապես նրանք առանձնացրել են Կիրեսունտի (Շապին-Գարահիսար) Սուրբ Աստվածածին եկեղեցին, որն ըստ թուրքական «Սաբահ» օրաթերթի, այժմ վերակառուցվում է զբոսաշրջությունը զարգացնելու նպատակով:
Կերեսունտի թանգարանի տնօրեն Հուլուսի Քիլեչը տեղեկացրել է, որ Շապին-Գարահիսարում կվերակառուցվեն այլ եկեղեցիներ եւս:
