ԱՄՆ-ի նախագահ Բարաք Օբաման հայտարարել է, որ իր երկիրը պատրաստ է ստեղծել չին-ամերիկյան հարաբերությունների «նոր մոդել», որը կարտահայտվի ծագող բոլոր տարաձայնությունների կառուցողական կարգավորմամբ: Այդ մասին հաղորդում է Ռոյթեր գործակալությունը, վկայակոչելով Սպիտակ տան հայտարարությունը:
«Միացյալ Նահանգները ողջունում է կայուն, խաղաղ եւ բարգավաճ Չինաստանի ձեւավորումը», ասել է Օբաման: Նրա խոսքերովՙ երկկողմ հարաբերությունները պետք է միտված լինեն համագործակցությանը:
Այս տարվա ապրիլին Օբաման շրջագայություն կատարեց Ասիայի երկրներում: Թեեւ Չինաստանը դուրս էր շրջագայության երթուղուց (Սեուլ, Տոկիո, Մանիլա), բայց բանակցությունների գլխավոր թեմաներից մեկը դաշնակից երկրների պաշտպանությունն էր «չինական վտանգից»:
