Երեկ Ազգային ժողովում տեղի ունեցավ այն, ինչ կանխատեսվում էր ՕԵԿ-ի` կոալիցիայից դուրս գալու փաստով` մեծամասնություն ՀՀԿ-ից պատգամավորների գործուղումների, հիվանդության եւ այլ պատճառներով բացակայության դեպքում խորհրդարանում կարող է քվորումի խնդիր լինել: Կառավարության հրավիրած արտահերթ նիստով, որն ի դեպ կարող է շարունակվել մինչեւ եկող շաբաթվա առաջին երկու օրերը ներառյալ, խորհրդարան են բերվել մի տրցակ նախագծեր, այդ թվում` հանրության համար կենսական նշանակության, եւ առաջարկվում է դրանք քննարկել եւ ընդունել արտահերթ ռեժիմով: Երբ ընդդիմադիր քառյակն ու ՕԵԿ-ը պայմանավորվելով` չմասնակցեցին գրանցմանը, չնայած ներկա էին, քվորում չեղավ: Ընդամենը 63 պատգամավոր էր գրանցվել` անհրաժեշտ 66 ի փոխարեն: Երեքժամյա դադարի ռեժիմի առաջին 15 րոպեներիղ հետո ՀՀԿ-ն կարողացավ գտնել պակասող մի քանի քվեն (որոնց թվում էր, ի դեպ, ընդդիմադիր համարվող Խաչատուր Քոքոբելյանը) ու քվորում ապահովել: Ընդդիմությունը հաղթական էր` առել էր նիստը տապալելու համն ու դեռ հետո էլ փակ նիստ գումարեց` մտմտալու. թե ինչպես վիժում առաջացնի իշխանության ծրագրերում: Ընդդիմադիր պատգամավորները շրջում էին փայլող աչքերով, հարցազրույցներ տալիս, թե ոնց կարելի է առանց նախապես քննարկելու այդքան կարեւորագույն օրնագծեր ուղարկել խորհրդարան, խորհրդարանը դարձնելով օրենք դակող մարմին, պարտադիր կուտակայինի փոխարեն «նպատակային սոցալական վճար» անունով նույն պարտադիրը հրամցնել` արհամարհելով հանրությանը, եւ այլն: Չգիտենք, Հովիկ Աբրահամյաննը որ լիներ ԱԺ նախագահը` նույն բանը կանեի՞ն մեր ընդդիմադիրները, սակայն հշեցնենք, որ արտահերթով օրենք «սղղացնելու» սովորույթն ամենեւին էլ նոր չէ մեր իրականության մեջ, կառավարությունները հենց այդպես էլ վարվել են խորհրդարանի հետ, այժմ էլ դա բացատրվում է նրանով, որ մի շարք օրենքներ պետք է համապատասխանեցվեն Եվրասիական տնտեսական տարածքի օրենսդրությանը: Սակայն նույն ընդդիմությունը Հովիկ Աբրահամյանի ժամանակ պայմանավորվելով ու չգրանցելով նիստ չէր տապալում, իսկ հիմա անում է:
Ընդհանրապեես` Ազգայն ժողովի մեծամասնության համար դժվարին ժամանակ է սկսվել, եւ դա բաժին է ընկել Գալուստ Սահակյանի պաշտոնավարմանը: Մեկ օր առաջ, օրինակ, ֆինանսների փոխնախարար Վախթանգ Փիրումյանն էր ուշացել հարցը ներկայացնելուց, եւ բարկացած ԱԺ փոխնախագահ Էդուարդ Շարմազանովը ժամանակից շուտ փակեց նիստը, այդպիսի դեպքերը մատների վրա կարելի է հաշվել վերջին տասնամյակի խորհրդարանական պատմության մեջ: ՀՀԿ-ն պետք է կողմնորոշվի` կամ մինչեւ աշուն բավարար թվով պատգամավորների գայթակղի-դարձնի ՀՀԿ խմբակցության անդամ, կամ իշխանությունը լծակներ պետք է զիջի ուզողներին, կամ` խորհրդարանը էս դժվար վիճակի մեջ լինի անընդհատ` մինչեւ…
