Իսպանիայի առաջնության 30-րդ տուրում Մադրիդի «Ռեալը» հյուրընկալվել էր «Սեւիլիային»: «Արքայական ակումբը» 1:2 հաշվով պարտվեց եւ զիջեց դիրքը մրցաշարային աղյուսակում:
Այս տուրում առաջատարի դիրքը պահպանեց Մադրիդի «Աթլետիկոն», որը նվազագույն հաշվով հաղթեց Գրանադային:
Կատալոնական «Բարսելոնան» սեփական խաղադաշտում 3:0 հաշվով պարտության մատնեց «Սելտային»: Առաջին խաղակեսում «Բարսելոնայի» դարպասապահ Վիկտոր Վալդեսը ստացավ ծնկի խաչաձեւ կապանի վնասվածք եւ փոխարինվեց: Իսպանացի դարպասապահը ստիպված կլինի բաց թողնել մրցաշրջանի մնացած հատվածն ու չի մասնակցի աշխարհի 2014 թվականի առաջնությանը: Ամենայն հավանականությամբ Վալդեսը կենթարկվի վիրահատության:
Կատալոնական ակումբը վաստակեց 72 միավոր եւ շրջանցեց Մադրիդի «Ռեալին»:
Մրցաշարային աղյուսակի լավագույն եռյակը.
Աթլետիկո Մադրիդ` 73
Բարսելոնա` 72
Ռեալ Մադրիդ` 70
