76 երկիր ամերիկյան կինոակադեմիային են ներկայացրել «Օսկարի» մրցանակի արժանի ֆիլմեր: Վերջերս հայտնի է դարձել «Լավագույն օտարալեզու ֆիլմ» անվանակարգի թեկնածու ֆիլմերի ցանկըՙ ի թիվս դրանց Թոմաս Վինտերբերգի եւ Պաոլո Սորրենտինոյի «Մեծ գեղեցկություն» ֆիլմերը:
Այս ցուցակին հավակնող շատ ավելի հավանական համարվող ֆիլմեր դուրս են մնացելՙ անակնկալի բերելով շատերին, ինչպեսՙ «Օսկարի» մրցանակաբաշխությանը ներկայացված Սաուդյան Արաբիայի առաջին ֆիլմը (Vadjda)ՙ աղջկա եւ հեծանիվի մասին ազդեցիկ պատմությունը:
Այս տարվա Կաննի միջազգային կինոփառատոնի հաղթող ճանաչված «Ադելի կյանքը» ֆրանսիական ֆիլմը չի էլ առաջադրվել, փոխարենը տեղ են գտել ԱՄՆ-ում ցուցադրված որոշ ֆիլմեր:
«Լավագույն օտարալեզու ֆիլմ» անվանակարգի թեկնածուական ցուցակի կազմը հետեւյալն էՙ «Խզված միջավայր» (Բելգիա), «Դրվագ երկաթահավաքի կյանքից» (Բոսնիա-Չեռնոգովինա), «Ծանր տետր» (Հունգարիա), «Երկու կյանք» (Գերմանիա), «Մեծ վարպետը» (Հոնկոնգ), «Որսը» (Դանիա), «Մեծ գեղեցկություն» (Իտալիա), «Անհետացող պատկեր» (Կամբոջա), «Օմար» (Պաղեստին): Այս իննյակից ընտրված հինգը կդառնան անվանակարգի հաղթողներ, որի մասին կհայտարարվի հունվարի 16-ին: Ամերիկյան կինոակադեմիայի 86-րդ մրցանակաբաշխության արարողությունը տեղի կունենա մարտի 2-ին (հանդիսավարՙ Էլեն ԴեՋեներես):
