Հայաստանի ազգային հավաքականի փորձառու դարպասապահ Գեւորգ Կասպարովը մեկամյա ընդմիջումից հետո կրկին հանդես կգա հարազատ «Միկայում»: Նա մինչեւ 2014-ի օգոստոսի 1-ը պայմանագիր է կնքել ակումբի հետ:
Կասպարովը «Միկայից» հեռացել էր 2012-ի ձմռանըՙ տեղափոխվելով Իրանի «Զոբ Ահան»: Նա թիմի հիմնական դարպասապահն էր: Սակայն «Զոբ Ահանի» նոր գլխավոր մարզիչը Կասպարովին չէր ընդգրկում հիմնական կազմում: Այդ պատճառով էլ Կասպարովը որոշեց խզել պայմանագիրն իրանական թիմի հետ ու վերադարձավ Հայաստան:
Նշենք, որ Կասպարովի ծառայություններով Հայաստանում հետաքրքրված էին նաեւ «Արարատն» ու «Ալաշկերտը»:
«Միկան» հրաժարվել է Արեգ Ազատյանի ծառայություններից: Նրա պայմանագրի ժամկետն ավարտվում էր 2014-ի ամռանը: Երկկողմ համաձայնությամբ պայմանագիրը խզվել է: Պատճառաբանությունն այն է, որ Ազատյանը մոտ մեկ տարի չի կարողանում ապաքինվել վնասվածքից, որի պատճառով ընթացիկ առաջնությունում ընդամենը 8 խաղ է անցկացրել:
