Կիսլովոդսկում ընթացող շախմատի կանանց «Պլազա-2013» մրցաշարում հաջող է հանդես գալիս Վայքը ներկայացնող 21-ամյա շախմատիստուհի Շուշան Սարգսյանը: 10 մասնակիցներով շրջանաձեւ մրցակարգով անցկացվող մրցաշարում Շուշանը 7 տուրից հետո 6 միավորով ռուսաստանցի Դինարա Դորջիեւայի հետ գլխավորում է աղյուսակը:
Մեկնարկում նա հաշտություն կնքեց իր հայրենակցուհի, երեւանցի Արմինե Բաբայանի հետ, ապա 3 անընդմեջ հաղթանակ տոնեց Վիրա Տառլեւայի, Վալերիա Ռյանովայի եւ Այգուլ Բայսալովայի նկատմամբ: 5-րդ տուրում հայ շախմատիստուհին ոչ-ոքի խաղաց 65-ամյա Վալենտինա Կոզլովսկայայի հետ, ապա 2 անընդմեջ հաղթանակ տոնեց Ամինաթ Դոթդաեւայի եւ Դիանա Պապիյանցի հետ մրցախաղերում:
Արմինե Բաբայանը 4,5 միավորով 5-րդ տեղում է:
