«Շահութահարկի մասին» օրենքում փոփոխության առաջարկ էին ներկայացրել Ազգային ժողովի մի խումբ պատգամավորներ: Նրանք առաջարկել են սահմանել, որ գործարար ծրագրի մեկնարկման ու դրան հաջորդող երկու հաշվետու տարվա շահութահարկի գումարը նվազեցվում է` նոր աշխատատեղերի մասով համապատասխան տարվա ընթացքում հաշվարկված լրացուցիչ աշխատավարձի 100 տոկոսի, բայց ոչ ավելի, քան հաշվետու տարվա համար հաշվարկված փաստացի շահութահարկի գումարի 50 տոկոսի չափով` ներկայումս գործող 30 տոկոսի փոխարեն: Հիմնավորումն այն է, որ օրենքի գործողության մոտ ութ ամսվա ընթացքում ոչ մի գործարար չի դիմել նշված արտոնությունից օգտվելու խնդրանքով եւ գուցե 30 տոկոսի արտոնությունը չի՞ ապահովում անհրաժեշտ արդյունքը: Կառավարությունը, երեկ տեղի ունեցած քննարկման ժամանակ նպատակահարմար չհամարեց պատգամավորների առաջարկության ընդունումը, իսկ վարչապետ Տիգրան Սարգսյանը հանձնարարեց էկոնոմիկայի նախարարությանըՙ տնտեսվարողներին հասցնել օրենքով սահմանված արտոնության էությունը: Նա նաեւ առաջարկեց նիստին մասնակցող Հայաստանի արդյունաբերողների եւ գործարարների միության նախագահ Արսեն Ղազարյանի հետ քննարկել այն հարցը, թե ինչո՞ւ գործարարները չեն օգտվում այս արտոնությունից եւ ի՞նչ անել, որպեսզի օգտվեն:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական