Ինչպես տեղեկացանք Գյումրիի «Շիրակի» մամուլի քարտուղարությունից, օրերս Թեհրանում համագործակցության վերաբերյալ պայմանավորվածություն է ձեռք բերվել հայկական եւ պարսկական «Պերսեպոլիս» ակումբների նախագահներ Արման Սահակյանի եւ Մոհամադ Ռույանիանիի միջեւ: Նախատեսվում է 2 ակումբների միջեւ կազմակերպել ընկերական հանդիպումներ, փոխանակել ֆուտբոլիստներ, համագործակցել մանկապատանեկան մարզադպրոցների զարգացման գործում:
«Պերսեպոլիսն» Իրանի ամենատիտղոսակիր ակումբն է, որն 9 անգամ նվաճել է երկրի չեմպիոնի տիտղոսը, 5 անգամ դարձել է գավաթակիր: Իրանական ակումբը նաեւ Ասիայի ամենահեղինակավոր թիմերից մեկն է: Ներկայումս «Պերսեպոլիսը» գլխավորում է երկրի բարձրագույն խմբի առաջնության աղյուսակը:
«Պերսեպոլիսը» համագործակցության պայմանագրեր ունի նաեւ Մադրիդի «Ռեալի», «Միլանի», «Ռուբինի», բրազիլական «Սան Պաուլոյի» եւ պորտուգալական «Բեյրա Մարի» հետ:
