Չեննայում ավարտված շախմատի մրցաշարում հայ շախմատիստներից առավել հաջող հանդես եկավ Լեւոն Բաբուջյանըՙ 7,5 միավորով զբաղեցնելով 8-րդ տեղը: Ավարտական 2 տուրերում Բաբուջյանը ոչ-ոքի խաղաց Սիդհարթ Ռավիչանդրանի հետ ու հաղթեց Ադիթիա Ուդեշիին: Սամվել Տեր-Սահակյանը 7 միավորով գրավեց 12-րդ տեղը: Սամվելը 10-րդ տուրում հաղթեց Վահե Բաղդասարյանին, իսկ մրցաշարն ավարտեց Վասիլի Պապինի հետ ոչ-ոքի արդյունքով:
Հովիկ Հայրապետյանն ու Կարինա Համբարձումովան մրցաշարն ավարտեցին 6,5-ական միավորով: 6 միավոր վաստակեց Տիգրան Ս. Պետրոսյանը, 5,5ՙ Վահե Բաղդասարյանը: Իր հնարավորություններից ցածր հանդես եկավ Մարիա Գեւորգյանըՙ 3,5 միավորով գրավելով 101-րդ տեղը:
Մրցաշարի հաղթող դարձավ ՖԻԴԵ-ի հնդիկ վարպետ Չիթամբարամ Արավինդը, որը վաստակեց 9 միավոր: 8,5-ական միավորով 2-րդ եւ 3-րդ տեղերը զբաղեցրին ուկրաինացի Վալերի Նեւերովը եւ հնդիկ Սեթուրամանը:
