ՄԵՆԱԳՐՈՒԹՅՈՒՆ ԿԱՐԻՆԻ ՆԱՀԱՆԳԻ ՄԱՍԻՆ
ԱՆՆԱ ՄԱՐՏԻՐՈՍՅԱՆ, ՀՊՄՀ գիտական գրադարանի ավագ գրադարանավար
Հայաստանի Հանրապետության սփյուռքի նախարարության հովանավորությամբ օրերս հրատարակվել է պատմական գիտությունների թեկնածու, գրող, Խաչատուր Աբովյանի անվան տուն-թանգարանի տնօրեն Հովհաննես Զատիկյանի «Կարինի նահանգը XIX դարի երկրորդ կեսին» մենագրությունը:
Պատմաբանի սույն աշխատությունը ծավալուն անդրադարձ է նահանգի 19-րդ դարի երկրորդ կեսի սոցիալ-տնտեսական եւ քաղաքական կացությանը, նահանգի գավառների պատմությանը եւ ժողովրդագրությանը: Գրքին հատուկ կարեւորություն են հաղորդում ներկայացված ժողովրդագրական աղյուսակները, տեղագրական եւ ժողովրդագրական հարուստ նյութերը:
Գիրքը խմբագրել է Խաչատուր Աբովյանի անվան հայկական պետական մանկավարժական համալսարանի գիտական գրադարանի տնօրեն, պատմաբան Տիգրան Պետրոսյանցը:
