Ռուսաստանի ֆուտբոլային միության փոխնախագահ, նախկինում հանրահայտ ֆուտբոլիստ եւ մարզիչ Նիկիտա Սիմոնյանը պարգեւատրվել է Հայաստանի ազգային օլիմպիական կոմիտեի շքանշանով: Պարգեւատրման արարողությունը տեղի է ունեցել Մոսկվայում գտնվող ՌԴ ազգային օլիմպիական կոմիտեում:
«Խորին հարգանքով եւ շնորհակալությամբ եմ ընդունում այս պարգեւըՙ ՀԱՕԿ-ի շքանշանը: Հայաստանի ազգային օլիմպիական կոմիտեին մաղթում եմ, որ մշտապես իր շարքերը համալրի օլիմպիադայի նորանոր չեմպիոններով», նշել է Նիկիտա Սիմոնյանը պարգեւատրումից հետո:
Հիշեցնենք, որ Նիկիտա Սիմոնյանը 1956-ին Մելբուռնում կայացած ամառային օլիմպիական խաղերում ֆուտբոլի ԽՍՀՄ հավաքականի կազմում ոսկե մեդալի է արժանացել:
