ԱՄՆ-ի Կորպուս-Քրիստի քաղաքում պրոֆեսիոնալ բռնցքամարտի երեկոյի ընթացքում ռինգ դուրս եկավ նաեւ Վանես Մարտիրոսյանը: Նա ամերիկացի 25-ամյա Դեմետրիուս Անդրադեի հետ մենամարտում վիճարկեց առաջին միջինքաշային կարգում WBO-ի վարկածով աշխարհի չեմպիոնի թափուր տիտղոսը:
Առաջին ռաունդում Վանեսը նոկդաունի ենթարկեց մրցակցին, սակայն հետագայում Անդրադեն տիրեց նախաձեռնությանը: Ի վերջո, 12-ռաունդանոց մենամարտում միավորներով հաղթեց Անդրադեն: Մրցավարներից մեկը հաղթանակը շնորհել էր հայ բռնցքամարտիկին (115-112), մյուս երկուսը նախապատվությունը տվել էին Անդրադեին (117-110, 114-113):
Այսպիսով, Վանես Մարտիրոսյանն առաջին պարտությունը կրեց: Իսկ Անդրադեն մնաց անպարտելիՙ շահելով 20-րդ մենամարտը:
