Ծանրամարտի միջազգային ֆեդերացիան հրապարակել է այն 29 ծանրորդների ցանկը, որոնց դոպինգ-ստուգումը դրական արդյունք է տվել: Ըստ կանոնակարգի, այդ ծանրորդներին որակազրկում է սպառնում, իսկ նվաճած մեդալները նրանք պարտավոր են վերադարձնել:
Որքան էլ որ ցավալի է, նշված ծանրորդներից 6-ը ներկայացնում են Հայաստանը: Նրանք են Աշոտ Բեգհազյանը, Դավիթ Գասպարյանը, Մարգարիտա Ղազարյանը, Նաիրա Հարությունյանը, Անդրանիկ Կարապետյանն ու Գոռ Մինասյանը, որոնք որակազրկվել են մինչեւ 2015-ը:
Մեր ծանրորդներից 2-ը ստիպված կլինեն վերադարձնել Պերուի մայրաքաղաք Լիմայում անցկացված աշխարհի երիտասարդական առաջնությունում նվաճած մեդալները: Անդրանիկ Կարապետյանը (77 կգ) երկամարտի 340 կգ (160+180) արդյունքով դարձել էր բրոնզե մրցանակակիր: Պոկում վարժությունում նա արժանացել էր արծաթե մեդալի, հրումում բրոնզե մեդալ էր նվաճել:
Գոռ Մինասյանը գերծանրքաշայինների մրցավեճում երկամարտի 403 կգ (183+220) արդյունքով դարձել էր աշխարհի փոխչեմպիոնՙ արծաթե մեդալ նվաճելով նաեւ առանձին վարժություններում:
