Տիեզերքում գոյություն ունի 8,8 միլիարդ մոլորակ, որոնք չափով, զանգվածով եւ մակերեւույթի ջերմաստիճանով նման են Երկրին: Դա նշանակում է, որ դրանց վրա հնարավոր է կենսաբանական կյանք: Ինչպես տեղեկացնում Է «Արմենպրես»-ը, ամերիկացի աստղագետների համապատասխան հաշվարկները նոյեմբերի 5-ին հրապարակվել են «ԱՄՆ-ի Գիտությունների ազգային ակադեմիայի աշխատություններ» բանբերում:
Ըստ մասնագետների տվյալներիՙ այդ բոլոր մոլորակներն Արեգակին նմանվող աստղերի արբանյակներ են: Հիմնվելով ամերիկյան «Քեպլեր» աստղադիտակից ստացված տվյալների վրաՙ նրանք հանգել են այն եզրակացության, որ մոտավորապես յուրաքանչյուր հինգերորդ նման աստղը (ընդհանուր քանակի 22 տոկոսը) ունի Երկրին նմանվող արբանյակ: Հետազոտության համաձայնՙ կյանքի հնարավոր գոյությամբՙ Երկրին ամենամոտ օբյեկտը գտնվում Է Արեգակնային համակարգից մոտավորապես 15 լուսային տարի հեռավորության վրա, հաղորդել Է ԻՏԱՌ-ՏԱՍՍ գործակալությունը:
