Նոյեմբերի 7-18-ը Լեհաստանի մայրաքաղաք Վարշավայում անցկացվելիք շախմատի Եվրոպայի թիմային առաջնության պարգեւները կվիճարկեն տղամարդկանց 37 եւ կանանց 31 հավաքականներ: Այս օրերին Հայաստանի հավաքականի անդամները Ծաղկաձորում շարունակում են նախապատրաստությունը մրցաշարին:
Հայաստանի տղամարդկանց հավաքականը Վարշավայում հանդես կգա այսպիսի կազմով. Լեւոն Արոնյան, Սերգեյ Մովսիսյան, Վլադիմիր Հակոբյան, Գաբրիել Սարգսյան, Տիգրան Պետրոսյան: Մեր ընտրանին իր միջին վարկանիշով (2713) զիջում է միայն Ռուսաստանի հավաքականին (2745), որի կազմում հայտավորված են Ալեքսանդր Գրիշչուկը, Պյոտր Սվիդլերը, Ալեքսանդր Մորոզեւիչը, Եվգենի Տոմաշեւսկին ու Դմիտրի Անդրեյկինը:
Հայաստանի կանանց հավաքականի պատիվը կպաշտպանեն Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան ու Աննա Հայրապետյանը: ՀՀ հավաքականն իր միջին վարկանիշով (2395) մասնակիցների մեջ 5-րդն է: Ավելի բարձր վարկանիշ ունեն Ուկրաինան (2495), Վրաստանը (2492), Ռուսաստանը (2481) եւ Լեհաստանը (2406):
