Լեհաստանի Վրոցլավ քաղաքում անցկացված ծանրամարտի աշխարհի առաջնությանը մասնակցած երիտասարդ 3 հայ ծանրորդներից եւ ոչ մեկին չհաջողվեց մրցանակակիր դառնալ: Մրցումների վերջին օրը մրցահարթակ դուրս եկած գերծանրքաշային Հայկ Հակոբյանը երկամարտի 401 կգ (186+215) արդյունքով 26 մասնակիցների մեջ գրավեց 10-րդ տեղը:
Աշխարհի չեմպիոնի տիտղոսը նվաճեց ռուսաստանցի Ռուսլան Ալբեգովը, որը երկամարտում ցույց տվեց 464 կգ (209+255) արդյունք: 2-րդ տեղը գրավեց իրանցի Բահադոր Մուլաեինՙ 458 կգ (203+255): Բրոնզե մեդալը նվաճեց ռուսաստանցի Ալեքսեյ Լովչեւըՙ 430 կգ (200+230):
