Armchess.am-ի տեղեկացմամբ, պոլսահայ շախմատիստ եւ գործարար Առնո Կարապետյանը նշանակվել է Թուրքիայի հնագույն եւ խոշորագույնՙ Ստամբուլի շախմատի ակումբի նախագահ:
Նա մասնակցել է Ստամբուլում կայացած շախմատային 12-րդ փառատոնի ուժեղագույնների մրցաշարին եւ 9 հնարավորից վաստակած 6,5 միավորով 94 մասնակիցների մեջ զբաղեցրել է 8-րդ տեղը: Ընդ որում հայ շախմատիստը միակն էր, որին հաջողվեց մրցաշարի հաղթող Մուստաֆա Յիլմազի հետ մրցախաղն ավարտել ոչ-ոքի: Յիլմազը 9 հնարավորից վաստակել է 8,5 միավոր:
Մրցաշարին մասնակցած մյուս հայ շախմատիստըՙ Վրաստանը ներկայացրած Արմեն Գրիգորյանը 6,5 միավորով զբաղեցրել է 7-րդ տեղը: Արմենը մրցաշարը սկսել է 3 անընդմեջ հաղթանակներով, ապա նույնքան պարտիաներում հաշտություն է կնքել մրցակիցների հետ: 7-րդ տուրում Գրիգորյանը միակ պարտությունն է կրել թուրք Մելիհ Կանից, իսկ ավարտական 2 պարտիաներում հաղթել է:
