ՈւԵՖԱ-ն առաջարկել է փոխել եվրոպական ազգային հավաքականների ընկերական խաղերի ծրագիրըՙ ստեղծելով «Ազգերի լիգա» մրցաշարը: ՈւԵՖԱ-ի անդամ 54 երկրների ազգային հավաքականներն ըստ իրենց վարկանիշների կբաժանվեն 5 խմբի, որոնք բաղկացած կլինեն նաեւ ենթախմբերից: Առաջին խմբում կընդգրկվեն ամենաբարձր վարկանիշ ունեցող հավաքականները, որոնց մրցավեճի հաղթողն էլ ուժեղագույնը կճանաչվի «Ազգերի լիգայում»: Մյուս խմբերի հաղթողները կտեղափոխվեն ավելի բարձր խումբ: Նման եղանակով ՈւԵՖԱ-ն մտադիր է ավելի հետաքրքրական դարձնել ընկերական հանդիպումները: Նախագիծը կյանքի կկոչվի 2016-ից ոչ շուտ:
Հետաքրքրական է, որ եթե մրցաշարն այժմ անցկացվեր, ապա Հայաստանի ազգային հավաքականը կընդգրկվեր C խմբում, որտեղ են նաեւ Չեռնոգորիան, Սլովենիան, Հունգարիան, Ռումինիան, Չեխիան, Նորվեգիան, Սերբիան, Ալբանիան, Ավստրիան, Թուրքիան, Ուելսը, Իսլանդիան, Ֆինլանդիան, Իռլանդիան եւ Սլովակիան:
Իսկ A խմբում կընդգրկվեին ուժեղագույններըՙ Իսպանիան, Գերմանիան, Իտալիան, Բելգիան, Հոլանդիան, Խորվաթիան, Պորտուգալիան եւ Հունաստանը:
