«Ոչ ոք չի պարտադրում Հայաստանին հենց այս պահին մաս կազմել Մաքսային միությանը: Հիմա ընթանում են նախապատրաստական աշխատանքներ, եւ Հայաստանն ինքը որոշում կկայացնիՙ երբ միանալ: Մաքսային միությունը նպատակ չէ, այլՙ տնտեսական առումով առավելություններ ստանալու լավագույն միջոց», «Նովոստի» ակումբում հայտարարեց «Եվրազես» ինստիտուտի տնօրեն, ՌԳԱ գիտխորհրդի եվրասիական տնտեսական ինտեգրացիայի հարցերով բյուրոյի անդամ Վլադիմիր Լեպյոխինը ՙ հավելելով, որ Հայաստանն ընձեռված հնարավորությունից պետք է կարողանա հնարավորինս շատ օգուտ քաղել:
Նրա խոսքերովՙ Հայաստանի անդամակցությունը ՄՄ-ին շատ կարեւոր կլինի ոչ միայն Հայաստանի, այլեւ Ռուսաստանի համար: Լեպյոխինի գնահատմամբՙ Հայաստանի համար առանցքային շահ է գազի սակագինը, եւ Մաքսային միությունը հնարավորություն կտա Հայաստանին այդ հարցը բարձրաձայնելու եւ քննարկելու հօգուտ իր շահերի:
