Ձյուդոյի միջազգային ֆեդերացիան հաստատել է հայ ձյուդոյիստ Հարություն Դերմիշյանի (66 կգ) մասնակցությունը ամառային պատանեկան օլիմպիական 2-րդ խաղերին: Մրցումները կանցկացվեն 2014-ի օգոստոսի 16-28-ը Չինաստանի Նանջինգ քաղաքում: Մրցումներին կմասնակցեն 170 երկրների ավելի քան 3500 պատվիրակներ: 26 մարզաձեւերում կխաղարկվի մեդալների 184 հավաքածու:
Խաղերի ծրագրում ընդգրկված մյուս մարզաձեւերի վարկանիշային մրցաշարերը հիմնականում տեղի կունենան 2014-ին: Այնպես որ հաջորդ տարի պարզ կդառնան Հայաստանի մյուս ներկայացուցիչները պատանեկան օլիմպիական խաղերում:
