Հանրակրթական եւ բարձրագույն ուսումնական հաստատությունների վարկանիշավորման ծրագրով նախատեսված աշխատանքները կատարելու նպատակով երեկ կառավարությունը 60 մլն դրամ հատկացրեց: Անդրադառնալով հարցին, վարչապետ Տիգրան Սարգսյանն ասաց, որ առաջին անգամ ներդրվում է այնպիսի համակարգ, որը հնարավորություն է տալու խթանել բուհերի մրցակցությունը: «Երկու տարի հետո մասնավոր ընկերությունները նույնպես հնարավորություն կունենան մասնակցելու գնահատմանը: Նախարարությունը պետք է վերահսկի, որ գործընթացն օբյեկտիվ լինի. մեծ աժիոտաժ է լինելու: Հիմա պետք է մտածենք նաեւ, որ պետական պաշտոնատար անձինք բուհերի խորհուրդներից դուրս գան, հակառակ դեպքում մենք չենք կարող անցնել միջազգային չափանիշներին», ասաց Տիգրան Սարգսյանը: Այնուհետեւ նա կարծիք հայտնեց, որ այժմ վարկանիշով առաջատարը Մանկավարժական համալսարանն է, իսկ հարցը ներկայացնող կրթության եւ գիտության նախարար Արմեն Աշոտյանն էլ այն կարծիքին էր, որ առաջատարը պետական համալսարանն է:
Վերջին լուրեր
Մինսկի խումբը գյուղսովետ չի, որից կարող էիք դժգոհ լինել. Մարուքյան
Հետևում եմ հայ «ականավոր փորձագետների» արձագանքներին իմ քննադատությանը Ալիևի հերթական պահանջը հնազանդաբար կատարելու և ԵԱՀԿ Մինսկի խումբը, լուծարելու գործընթացի վերաբերյալ։...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական