Լույս է տեսել «Շարժում 1988/25» գիրքը, որը նվիրված է Ղարաբաղյան շարժման 25-ամյակին:
Գրքում ներառված են 22 պատմություններ` ներկայացված այն մարդկանց աչքերով, ովքեր ներգրավված էին շարժմանը` Երեւանում եւ Արցախում:
«Ղարաբաղ» կոմիտեի հիմնադիր, Հանրային պալատի նախագահ Վազգեն Մանուկյանն էլ որպես շարժան կարեւորագույն առանձնահատկություն նշեց ատելության բացակայությունն ու դեմոկրատական հեղափոխության առկայությունը. «Հայ ժողովուրդը երբեւէ այդքան միասնական եւ համախմբված չի եղել: Կարծում եմ, որ այդ ժամանակ եղած էներգիան ճիշտ օգտագործելու դեպքում հիմա ավելի մեծ արդյունքների հասած կլինեինք»:
Իսկ լրագրող Աննա Իսրայելյանը նշել է, որ գրքի առավելությունն այն է, որ Ղարաբաղյան շարժումը դիտարկվում է բոլոր կողմերից, ինչպես նրա առաջնորդների, այնպես էլ Շարժման շարքային մասնակիցների տեսանկյունից:
