Ուոթերթաունի «Ամերիկայի հայկական գրադարան-թանգարանում» (ALMA) օգոստոսի 27-ին բացվել է նկարիչ Գուրգեն Մանուկյանի ստեղծագործությունների ցուցահանդեսը, որը տեւելու է մինչեւ հոկտեմբերի 27-ը: Բացման օրը ժամանակակից արվեստի պատկերասրահում տեղի է ունեցել պատվասիրություն:
Մանուկյանը ծնվել է Երեւանում, սովորել Մոսկվայի Գեղարվեստի ինստիտուտում: Հետագայում վերադառնալով Հայաստան, աշխատել է Հայֆիլմում: Նկարչությունից բացի զբաղվել է նաեւ գրաֆիկական էսքիզների, հագուստների ձեւավորման եւ մանրանկարչական գործերի պատրաստման աշխատանքներով: Ցուցադրվել է Խ. Միության տարբեր հանրապետություններում: Մ. Նահանգներ տեղափոխվելուց հետո սկսել ցուցադրվել ամերիկյան եւ եվրոպական մայրցամաքներում: Նրա կտավներում հայկական բնաշխարհն է: Նա հավատացած է, որ իր կոմպոզիցիաներն ու գույները «խոսում են միջազգային լեզվով» եւ հասկանալի են տարբեր ազգությունների ներկայացուցիչներին:
